終於考完ce~~
um......比我想像中輕鬆得多~
未考之前我以為自己會晚晚訓唔到~
好似當年哥同家姐咁~
記得考第一科phyo既時候~
我係驚到前一個星期都訓唔到覺~
仲要成日發惡夢~
又夢見比隻瘦版賓追住黎咬~
完全係嚇醒左~
等緊佢派phy卷o既時候個心跳得好快好快....~
但係一路考落去~
完全hea哂~~~仲hea過考mock~
考完chem之後完全覺得好似考哂一樣~~
跟住我竟然比自己日日同人傾個幾兩個鐘電話~
仲日日去食下午茶~
諗返都覺得對唔住自己~
連家姐都忍唔住問媽點解我好似冇壓力~咁輕鬆咁~
我都唔知點解....其實唔係冇壓力~
但係我覺得自己有一定能力~唔會差得去邊~
不過講就咁講~自己知自己事~
其實唔係考得好好~~有幾科考完都好沮喪~
不過唔想同媽咪講~
因為我知道佢會擔心~
就算同家姐哥講~都扮到唔緊要~唔緊張~
都係唔想佢地要花心神安慰我~
由細到大我o既學業都唔使佢地擔心過問~
今次我都唔想令佢地唔開心~
不過呢排多謝傻豬成日聽我怨~聽我發脾氣~聽我頹~嘻~

總結返~我考得滿意o既只有maths&chem~
失望o既有中文英文&bio~
本身諗住自己bio a梗的....不過....
依家反而本身冇咩信心o既chem有機a~唉~
中英文都發揮得唔好...~未係我最好o既水準~
不過算啦~邊有人科科都有超水準表現o既呢~
我信神會比最適合o既我~~

但係我好驚我個result會unexpected~
有d基督徒可以係ce度完全依靠神~
結果result係unexpected咁好~
但係我唔好講ce~我年幾2年冇同神好好溝通過~
我好驚神會懲罰我~~~
比個unexpected咁差o既result比我.........
雖然好似好傻....但係唔知點解~
我覺得神準備要罰我.........

你說你可以像從前的那樣待我
但是，說的真係可以做到嗎？

發生了就是發生了
就算把刺拔掉
傷痕還是會留下來，對嗎？

對上一個entry竟然係7月的.....
即係我成個form5咩都冇打過~
不知不覺間, 中5就過去左囉.....

尋日last day左~
但係唔知點解我冇想像中o個種嚴重o既依依不捨~
好似呢幾日都冇咩特別咁...
只係多左4圍影相呢一part~

惜別早會冇感覺可言~~
一來今次自己冇in charge~二來係台上面咩都聽唔到~
結果...故我依然~

接下來o既上課日子
對哂卷就堂就變哂分享堂~
好多同學都好認真o既講左好多野~
仲有yip同anthony互爆秘密o既環節~
全場情緒高漲~~!!
仲有benson情深分享~~
好幾個同學都忍唔住....包括我~~
anywy, benson!你要堅強d呀~~
加油~~~!!

尋日last day lunch成班同秋秋, 秋原, 何銘輝去左小草屋飲茶~
點知我地坐正o個台係冇老師的~
搞到好似自己10個同學約埋去飲茶咁~
最有紀念價值o既都係差唔多成班一齊遲到左5mins~
一行三十幾人浩浩蕩蕩咁係新都行返學校~
我諗冇咩幾多人試過~
最後仲要為左唔好留堂而由街市對出個位一齊跑返學校~
呢個壯觀場面永世難忘~

夜晚班會活動~返學校玩遊戲~
玩左閃避球&水彈~
個個都濕到爆~haylee話入面都可以榨水啦~~!
以前活動都有玩水彈~
但係總有d人係會避開唔玩~
我都唔會容許比人整到我由頭濕到落腳~
但係尋晚.....真係玩得好開心~~!!
男男女女, 一齊瘋狂~
換哂衫抹哂身就去紫荊打邊爐啦~~
男仔曳曳飲beer~
結果chows飲到high哂~數都計錯~
竟然仲大讚我地班個個女仔都係靚女~
下半場大半班就過左寶康繼續~
中間出現飲到high high地o既李劍比麻甩佬挑事件~
跟住大家就玩truth or dare啦~
其實我覺得呢個係好好o既last day節目~
可惜大家玩o既節奏太慢~腰斬了~
我仲諗住有機會問chows鐘情邊個女仔添~
然後有人玩紅綠燈~
我就過去同jason, mak, rap, brabra談左陣心~
mak! 要加油呀~~我地會支持你的~~
得閒多d搵我地傾計啦~~!!
跟住就開始有人走囉~
然後我同慧儀傾左陣計~
最後就同慧姍, linlin, oscar, kk, nasik交心到3,4點~
oscar! 我好擔心你....唔好諗咁多啦~~~!!!
得閒多d搵我地出黎玩呀~~~!!
lastly, 4點度就散哂水囉~~~

唔知點解, 我冇嚴重依依不捨o既心情~
但係呢幾日, 我真係對呢一班同學仔~朋友仔~認識多左好多~
如果係以前o既日子大家都有咁樣o既分享機會~
我相信我地o既感情一定深好多好多~
我都好希望大家可以繼續keep in touch~!!!

好想今年7月先放假.........

p.s. 尋日破哂記錄, 我戴左副con 20 hrs~~
       對眼支力到想死.........